巴黎大“斯”殺

巴黎大“斯”殺

歐洲各大聯賽中，法甲今晚率先開打，由上季盟主巴黎聖日門作客實力至少低一班嘅蘭斯。啱啱在京城捧走法國超級盃嘅聖日門簡直士氣十足，今場對住呢支法甲“二打六”球隊，贏波應該冇問題，聯賽響頭炮易過借火。初盤巴黎聖日門讓一球／球半，一於捧佢贏波贏盤“依絲執”。

蘭斯自從在一二年升上甲組後，每季都要憂柴憂米驚降班。冇辦法，球會財力有限，保得住個甲組位已經開心到不得了。可能上季取得十一名，認為今季仍然夠踢有餘，所以並冇加入新球員，更將陣中最好波的基祖維克賣去西維爾，實力唔多唔少有所削弱。今仗要挑戰豪“門”，睇怕無能為力。

聖日門上仗不費吹灰之力，兩球輕取甘岡，球員顯示出極佳狀態。尤其頭號射手伊巴謙莫域，兩場比賽攻入五球，加上卡雲尼經已復出，拿維斯、泰亞高施華、馬杜迪、卡比耶及新加盟嘅大衛雷斯等猛將全部歸隊，必將對手打到落花流水。上季主客場對住蘭斯都能淨勝三球，今場一定照單全收。

推介：巴黎聖日門3:0