兩隊英超捧唔過

兩隊英超捧唔過

明早繼續有兩場健力士盃邀請賽，首先上演AC米蘭對曼城。A米上場慘吞奧林比亞高斯三蛋都算恥辱，攪到新帥恩沙基“紮紮跳”，今戰當然唔可以再失威。上場休戰嘅巴洛迪利、本田圭佑及蒙達利等將會重返正選，強陣出擊誓要攞返個“彩”。

由於Y杜尼、阿古路、高柏尼及迪斯高等多名主力仍未歸隊，曼城戰力大打折扣，基本上只係剩五成功力，對住今仗唔衰得嘅A米實在冇必勝把握。初盤曼城讓半球，一於撐A米坐和望贏。

尾場上季在英超重生嘅利物浦將會與希臘冠軍奧林比亞高斯較量。首戰以三球大勝AC米蘭嘅奧林比亞高斯並非“阿四”球隊，陣中唔少猛將都係身經百戰，包括沙維奧拿、卡沙米、美度古、伊巴加沙及聲名漸起的祖爾甘保，整體戰力唔差得去邊。上仗擊敗A米全以技術性贏得清脆利落，今仗挑戰紅軍絕對輸唔晒。

利物浦今季重返歐冠舞台，自然要加強人腳，暫時已簽入五名新兵，但論名氣級數確有待驗證。相信領隊羅渣士目前以試陣及磨合球隊為目標，爭勝決心未必太着重。初盤利物浦讓半球／一球，捧奧林比亞高斯有“利”。

推介：AC米蘭  1:0