畢爾包“簡”單任務

畢爾包“簡”單任務

激情過後又趨於平淡，經過連續三晚矚目嘅歐戰後，今晚只有一場西甲獨腳戲，由華歴簡奴對畢爾包。排第十嘅華歴簡奴已經等休眠狀態，無憂無求，打埋呢幾場就可以收咧。球隊戰意與爭勝心有限，且整體實力一般，今戰對住平均戰力較佳嘅畢爾包，主場亦不宜睇好。

至於守住第四嘅畢爾包就要緊張少少，因為只要攞多三分就可以穩住做“阿四”，下季踢歐冠至少搵返筆，呢三分必搶無疑。初盤畢爾包讓平手／半球，推介畢爾包作客照贏。

華歴簡奴近四戰取得三勝一和，就係呢十分足以提早上岸，所以就要睇球員比賽心態及積極性。球隊最大弱點係防守相當差，卅五場聯賽共失七十一球，場均失兩球以上，係西甲最差一隊，屬於有前冇後、打死罷就。對住攻力不俗嘅畢爾包，防線必有所失。

畢爾包上仗三比一殺敗西維爾，係搶得前四最關鍵一戰，士氣肯定得到提升。事實上近四戰三勝一負，只敗於巴塞腳下，作戰狀態保持穩定。捧畢爾包最主要原因，就係今季西甲球隊中，贏盤最多一隊。

推介：畢爾包2:1