馬會贏盤難得“米”

馬會贏盤難得“米”

呢兩日天氣轉冷，冷到去英格蘭足總盃，聯賽盃亞軍新特蘭吞侯城三蛋已經係一個小冷門，而錫菲聯仲“巴閉”，成為足總盃三十幾年來第一支英甲球隊殺到入四強，足總盃果然係爆冷溫床。但點都估唔到主場超勁嘅曼城會爆得咁“大鑊”，竟然被英冠嘅韋根再度搞掂，再一次印證阿叔金句“波係圓嘅”，如果唔係圓的話，可能就係曼城班友仔等錢使，“大莊”肯定笑到爆，其次應該就係“雲總”最開心，等足九年終於大有機會捧盃。

講開“雲總”嘅阿仙奴，今晚又要出戰歐冠盃，雖然要在拜仁主場翻盤非常渺茫，但初盤開出受讓球半／兩球，兵工廠可以值博。

另一場馬德里體育會再戰AC米蘭，揸住一球在手兼主場出擊，馬體會的確值得睇好，上場聯賽撞啱三大主力迪亞高哥斯達、哥甸及杜蘭停賽，可以養精蓄銳應付今場大戰，勝算自然加大；不過，初盤馬體會要讓一球／球半，雖然AC米蘭目前面無血色，但未免太過睇低AC，話晒只係落後一球波，AC今晚一定博到盡，歐戰經驗十足嘅AC米蘭至少可執半個盤。

推介：馬德里體育會1:0