車仔博“愛”難如願

車仔博“愛”難如願

    今日繼續推介足總盃，愛華頓與車路士合演“雙藍會”。愛華頓一向屬於硬骨頭球隊，踢法硬朗兼鬥心頑強，本身實力又唔差，況且在自己地頭出擊，爭勝決心根本毋須多講。至於車仔，啱啱在歐冠盃被巴黎聖日門淘汰，足總盃已係唯一希望，再輸埋的話，真係“盃盃清”，下季又要搵精英。

    愛華頓今季聯賽成績都算係倒退，但人腳方面，實際上有增無減，迪路菲奧、奇華利及斯摩利等加盟，令三線替補力更加均衡，盧卡古與巴克利越踢越具大將之風，只係整體表現稍為回落。不過，對住強隊硬打硬風格，發揮依然出色，至少聯賽對住今仗對手車路士取得一勝一和，今戰再度碰頭根本未驚過。

    期望越大，失望越大，車仔在周中歐冠盃再次敗於聖日門腳下，無話可說，確係技不如人。最慘係迪亞高哥斯達再度受傷退下火線，損兵折將之餘，夏薩特又被“車迷”狂噓，球隊士氣大受影響。今仗作客以逸待勞嘅愛華頓，車仔想贏都難。初盤平手，愛華頓必然之選。

    推介：愛華頓2:0