紅魔鬼數綿“羊”

紅魔鬼數綿“羊”

    費格遜年代嘅紅魔鬼曼聯在英超可以話隻手遮天，可惜“爵爺”食糧後，紅魔鬼王朝一落千丈。上季起由荷蘭名帥雲戈爾執教依然浮浮沉沉，要重奪聯賽錦標都相當“忟水”，目前希望可以向盃賽埋手。

    明晨足總盃第四圈，曼聯將要作客英冠球隊打比郡，如果呢關都過唔到的話，雲戈爾在球會的日子未必過到初一。打比郡嘅實力好明顯在曼聯之下，話就話足總盃係爆冷溫床，但曼聯現在環境真係再唔輸得。初盤曼聯讓半球，希望呢班“魔星”唔好再令“魔粉”們愛多一次痛多一次，一於打甩“比”。

    打比郡之前在英冠排前列位置，惜近期發波瘟，連續五場聯賽未贏過。近兩場更慘敗對手腳下，兩場加埋共失七球，防線脆到不得了。以曼聯嘅火力，今場冇兩、三球進賬，絕對唔收貨。

    曼聯早前作客一球擊敗利物浦，以為開始有轉機，點知上場聯賽又中招，仲係在自己地頭毫無優勢下輸波，球員狀態實在太過起伏。不過，論近況及整體質素，曼聯始終高過打比郡一班波，唔贏冇得贏。

    推介：曼聯3:0