車仔未夠態攻“城”

車仔未夠態攻“城”

    英超榜首的李斯特城成為今季超級神奇球隊，相信連領隊雲尼亞里都估唔到班球員踢到出神入化。所以話打波真係打氣勢，借助上場大炒史雲斯的強勢，明晨主場迎戰近期聯賽依然毫無起色嘅車路士，李斯特城隨時爆“車”成功。

    車仔在周中歐冠盃如願以償，兩球擊敗波爾圖，以首名殺入十六強，算係可以讓球隊提升士氣；不過，在英超只得一勝兩和四負作客劣績，對住主場只曾一敗嘅李斯特城，車仔實在難有勝算。初盤車路士讓平手／半球，當然跟紅頂白捧有氣勢又有架勢嘅李斯特城。

    李斯特城目前係英超中攻擊力最強，兩大食糊人物華迪與馬列斯共攻入廿四球，今仗對住千瘡百孔嘅車仔防線，隨時又有斬獲。車仔今季條防線認真漏洞百出，泰利與艾雲奴域明顯不復當年勇。前線近期火力亦不足，上仗聯賽狂攻般尼茅夫八十幾分鐘，始終毫無建樹，兩大中場核心費比加斯與夏薩特狀態低沉，係球隊低迷最大主因。今仗作客要生擒“狐狸”，恐怕難有作為。

    推介：李斯特城2:1