和波兩“蘭”存

和波兩“蘭”存

歐國盃D組打到最後一輪比賽，前三隊將要爭兩個直接出線資格，今晚就要展開對決。排榜首嘅德國基本上“坐定粒六”，今仗對住格魯吉亞等開餐。至於排第二、三位嘅波蘭與愛爾蘭就要打場埋身肉搏戰，輸波一隊仲要踢附加賽，出年去唔去到法蘭西都未知，雙方都會全力爭勝，所以成為今晚所有賽事中焦點。

波蘭上場逼和蘇格蘭的確留下手尾，搞到今場要踢得比較緊。不過，球員狀態值得信賴，超級射手利雲度斯基呢期入波入到發晒癲，基祖維克、比薛施克及巴拉薩高斯基一樣咁“弗”。加上整體踢法機動兼有效率，對住得個“衝”字行頭嘅愛爾蘭，波蘭勝算較高。愛爾蘭上場一球殺敗德國，打得好唔好見仁見智，無可否認德國確實踢得比較“鬆手”，但愛爾蘭依然處於劣勢。可見球員平均質素比較參差，打主場還可以借助氣勢，踢作客，愛爾蘭又係一個弊病，隨時踢到走晒樣。初盤波蘭讓半球，九場分組賽攻入卅一球，歐洲各隊之冠，今場一兩球波蘭必有斬獲。

推介：波蘭2:0