車仔叫苦連“天”

車仔叫苦連“天”

車路士近期賽事認真頻密，啱啱踢完個社區盾，明晨又要踢國際冠軍盃，好彩在自己地頭出戰，唔使再舟車勞頓，應該會表現較佳。不過英超今個星期就要開鑼，相信老摩會集中戰力第一場對史雲斯嘅揭幕戰，始終國際冠軍盃重要性不大。

對手係意甲勁旅費倫天拿，上場借助主場之利擊敗西甲豪門巴塞羅那，證明紫百合亦非泛泛之輩。就算巴塞只係半力陣容，但可以睇到費倫天拿在組織架構上相當不俗，今場對住“別有用心”嘅車仔，費倫天拿未必輸硬。初盤車路士硬讓一球，必捧費倫天拿包冇搭錯“車”。

車仔在社區盾與阿仙奴展開激戰，激到幾乎“開大片”，場上形勢勢均力敵，最終車仔輸在疲憊上。相信老摩在今場友賽會讓部分主力輪換，目的放在英超開咧戰。

費倫天拿一向在意甲都屬於前列分子，球隊存在一定實力，特別中場線擁有多名好波之人，組織進攻有板有眼，只是防守方面較為脆弱。不過若要踢出對巴塞一戰嘅穩守突擊，相信可以對車仔構成威脅。

推介：和波1:1