皇馬炒大“米”

皇馬炒大“米”

    今晚繼續有國際冠軍盃中國站賽事，由國際米蘭對陣皇家馬德里。今場係國米一星期內第三場比賽，之前兩場都分别一球敗於德甲班霸拜仁及同市死敵AC米蘭腳下，今戰再對住頂級勁旅皇馬，要一洗頹氣贏返場勝仗，睇怕都唔係咁易。

    皇馬亦要舟車勞頓，剛在澳洲大斬曼城後，就馬不停蹄飛到中國，休息時間不足兼時差問題，對比賽狀態有一定影響，但相信藉球隊整體質素，勝算依然會在國米之上。

    國米上場對住AC，領隊“文蛇”經已輪換球員上陣，正選名單中並非排出最強人腳，始終都屬於季前熱身賽，目的只希望操起球員狀態。當然，落到場比賽又點會想輸波收場，話晒球會亦曾經威名遠播，對住同樣世界級對手嘅皇馬，點都要爭返啖氣，與皇馬力拼到底。

    皇馬上場對曼城夠晒認真，BBC攻擊組合，再加上卻奧斯、摩特歷及伊斯高組成創意無限嘅中場線，打到曼城毫無反擊之力。如果今仗繼續強陣出戰，國米亦難以抗衡。

    推介：皇家馬德里2:1