鹽湖城主場「特」別醒

鹽湖城主場「特」別醒
 
每隊波都總會有佢嘅剋星，咪睇波特蘭伐木者嘅排名同埋近況都好過皇家鹽湖城，實際上佢哋多次作客鹽湖城都係中伏收場，要扭轉輸波命運恐怕唔係咁易。（周三11，香港時間周四10:00am開賽）

作客嘅波特蘭伐木者喺近7戰贏過5場咁多，當中兩戰西雅圖海灣者就取得1勝1和嘅成績，本身能夠有咁嘅走勢實在唔能夠太睇低佢哋，問題係佢哋由2013年開始計起，近6次作客鹽湖城竟然輸咗5次咁多，有啲「格食格」嘅味道！當然鹽湖城都唔係完全冇能力再贏多次，始終佢哋已經連續7場主場賽事未輸過嘞，呢排兩位後備殺手奧美斯加西亞同埋施巴斯坦占美都識入波，似乎有啲計仔可以再晉一級。
至於主場連開6W嘅肯薩斯體育會，應該可以繼續佢哋個主場連勝紀錄嘞，事關對住FC達拉斯應該係場「五五波」，不過目前主勝只係熱到得番1.72倍，擺明連足智彩都睇高佢哋一線咁款喎。（周三7，香港時間周四8:30am開賽）