挪威女足「格」殺勿論

挪威女足「格」殺勿論

能夠入到嚟16強英格蘭女足應該會收貨嘅，始終佢哋嘅整體實力麻麻，而且咁唔好彩抽中呢條下下籤，輸俾挪威女足出局唔應該感到可惜，要怪就只能怪自己嘅籤運唔好。（周一1，香港時間周二5:00am開賽）

仲以為能夠喺「死亡F組」脫穎而出、取得次名出線嘅英格蘭女足從此會有運行，點知佢哋嚟到16強嘅對手竟然係有能力同德國女足踢成平手嘅挪威女足，照一照鏡佢哋得個祖迪泰萊有能力去到美國搵食，其餘比較值得睇嘅球員已經要數到姬芘，不過佢今年都係得嗰21歲，離擔起英格蘭女足嘅大旗仲有一大段距離。
當然挪威女足亦係以次名身份出線，不過唔好忘記同組有隊德國女足，尤其係要留意佢哋喺分組煞科戰憑單60分鐘已經解決咗科特迪瓦女足，加上休息時間又比英格蘭女足為多；本身嘅整體實力已經夠晒「屈機」，有埋足夠時間休息都只係開平手盤，撐佢哋可以晉身8強。