法國大勝「爾」成定局

法國大勝「爾」成定局 

來年歐國盃主辦國法國，今晚會繼續友賽之旅造訪阿爾巴尼亞。法國上場友賽3:4輸俾比利時，但論攻力比國肯定喺阿爾巴尼亞之上，加上受過一次教訓，眾法國戰將應該都會打醒十二分精神，再加上啱啱踢完歐聯決賽嘅保羅普巴同艾拉都可以歸隊上陣，「高盧雄雞」陣容只會更完整，「讓客」放心捧場。（周六5，有線62及202台周日12:00am直播）
阿爾巴尼亞喺今輪歐國外比賽輪空，今晚係佢哋喺今次國際賽期唯一場友賽，戰意喺點真係好難估，但由於球員全部都準備放假，戰意應該麻麻；再講阿國今晚都唔係好齊人，科隆後衛馬拉積同FSV法蘭克福前鋒卡蘭尼都因傷冇歸隊，兩線各缺一名主力，都幾難阻止法國反底贏波。