格仔軍一“意”孤行

格仔軍一“意”孤行

    歐國盃外圍賽明晨烽煙再起，其中H組上演榜首大戰，克羅地亞再戰意大利。兩隊首循環激戰賽和一比一。不過，當時意大利主場竟然毫無優勢，更被“格仔軍”反客為主連番攻擊，意大利唔輸好彩。今場作客克羅地亞，真係期望唔大。

    克羅地亞在五場外圍賽四勝一和，以十三分暫列榜首，五場攻入十五球只失兩球，攻守相當均衡，只要今仗再攞三分，出線形勢大好，有主場之利勢必全力爭勝。初盤克羅地亞讓平手／半球，捧格仔軍有“利”可圖。

    克羅地亞今場有“魔笛”摩特歴因傷缺陣，但依然有比列錫、拿傑迪及高華錫等好波之人撐起中場，前線當然唔少得文迪蘇傑、奧歴及卡拉馬歴三位極具威脅的攻擊手，對住防守已褪色嘅意大利，克羅地亞要有斬獲唔難。

    意大利今場壓力比較大，如果輸波，次席隨時不保。上仗對英格蘭已是兩個多月之前，球員默契始終受到一定影響，重要戰役打“天才波”唔係咁易。況且近四次對住克羅地亞未贏過，往績輸蝕，意大利點揀得落手。

    推介：克羅地亞3:1