拉素博和“坡”

拉素博和“坡”

    意甲明晨上演最後一輪煞科戰，由於祖雲達斯早已提早登基，羅馬亦已穩奪亞軍，至於三支降班球隊已落實，今輪焦點將落在拿坡里對拉素身上。今場波關乎兩隊爭奪來季踢歐冠盃外圍賽資格，為“錢”途着想，必會展開激戰。

    意甲賽制認真與別不同，如果積分相同，係唔計對賽，唔計得失球，所以同分爭踢歐冠的話，隨時要打多場附加賽。排第四位少拉素三分嘅拿坡里今戰係最後機會，但一定要贏才有望踢多場；拉素只要守和，就可以搭上歐冠尾班車，作客嘅拉素依然有一定優勢。

    計埋意大利盃兩隊今季三度交手，雙方各勝一場，的而且確係勢均力敵。由於拿坡里要非勝不可，今仗必會採取主攻，有希古恩與卡利祖兩位攻擊手，攻力雖有保證，可惜防線仍係球隊最弱一環，聯賽共失五十球，係前十支球隊中失球最多一隊，今場實在危機四伏。拉素係意甲球隊中失球最少嘅前三隊，不但防守出色，而且善打穩守突擊。初盤受讓平手／半球，拉素的確值得捧場。推介：和波1:1