FC東京主場打老「府」

FC東京主場打老「府」
 
近期全個日職最轟動嘅新聞竟然關FC東京事喎！不過轟動嘅唔係FC東京近期贏波定係輸波，而係隊中小將、現年只係得22歲嘅武藤嘉紀竟然拒絕咗車路士嘅邀請走去加盟德甲嘅緬恩斯，注定成世都冇「錢」途，同時亦代表打後每一場比賽都有可能係佢嘅告別戰！當然目前喺日職排緊第18位嘅甲府風林連聯賽都未顧得掂，未必會玩埋盃賽，博佢哋唔會阻FC東京開告別派對，開2.55倍「讓主」歡送呢位未來日本巨星。（周三1，有線61及201台周三6:00pm直播）

同樣係身處日聯盃A組嘅廣島三箭已經手握5分，今次作客仲可以追捧佢哋再贏！冇錯三箭剛剛連續兩場日職失分，不過對手話晒係大阪飛腳以及鹿島鹿角，面對強手失分絕對可以理解，難得今次「降呢」作客鳥棲砂岩就係贏波反底嘅黃金機會，睇埋近期贏盤比率唔錯要埋「讓客」。（周三3，香港時間周三6:00pm開賽）