艾美歷克主場打「雷」

艾美歷克主場打「雷」

唔好以為堤格雷斯係為咗留力先至喺墨超季後賽提早出局，實際上季後賽會影響到北美洲冠軍盃嘅出賽資格，咁早就出局就已經證明到佢哋嘅近況平平，嚟到自由盃半準決賽就更加冇眼睇啦。（周二6，香港時間周三9:00am開賽）
堤格雷斯曾經喺上次季後賽殺入決賽，今次咁早出局，而且仲要輸俾拿根亞就證明到近期明顯走緊下坡，特別係佢哋入波機器、前巴西國腳拿費爾蘇比斯已經有足足成個月未入過波嘞，喺近4戰僅僅入到2球波咁大把，作客就更加唔敢對佢哋有任何期望。
而主隊艾美歷克就係厄瓜多爾代表，雖然佢哋冇「高原主場」幫手，但係喺分組賽主場贏過強者以及智利大學，甚至有能力同國際體育會踢成平手，睇得出佢哋喺主場特別賣力，要再晉一級就一定要靠主場搶分，少讓平手、半球最多都係唔見半格。