聖日耳門主場奪「甘」

聖日耳門主場奪「甘」 

法甲今晚有獨腳戲上演；已經喺歐聯出局嘅巴黎聖日耳門，專心聯賽下即時取下3連勝，目前已經彈離里昂3分，餘下3戰贏多2場道理上幾穩陣，而佢哋今晚對手無欲無求嘅甘岡，睇嚟有主場之利下贏2球以上冇咩難度，「讓主」的確夠晒穩陣。（周五28，無綫網絡電視302頻道周六2:30am直播）
聖日耳門早前有伊巴停賽，不過無損球隊攻力，曾經主場大勝里爾6:1，上場伊巴復出雖然冇波入，不過靠卡雲尼及馬度迪入球仍然輕勝南特2:0，可見冇歐聯在身，聖日耳門喺法甲仍然超班；而事實上，近期不斷有傳言話卡雲尼及拿華斯等季尾離隊，呢個法甲冠軍隨時係佢哋喺季尾最後一個錦標，俾啲面下都會加兩錢肉緊，而對手甘岡雖然已經3場不敗，不過一來贏嘅對手唔強，二來球隊已經攞夠分上岸，呢場作客都無謂壞聖日耳門好事，睇埋主隊全季主場聯賽不敗，計埋歐聯都好，亦只係不敵巴塞，呢場都冇咩爆冷可能。