聖日耳門「特」別推介
前排伊巴謙莫域停賽，成隊聖日耳門就靠晒卡雲尼擔起大旗，依家伊巴終於可以歸位做番大佬嘞，有晒兩大射手喺度，作客南特又點會咁易就甩拖吖？（周日70，無綫網絡電視302頻道周一3:00am直播） 冇伊巴就話對聖日耳門有些少顧忌啫，不過呢位瑞典射手獲得減刑，估計今晚就會以正選身份落場；再睇埋個積分榜，佢哋領先里昂嘅優勢唔多，今晚作客南特仲要繼續搏殺，話唔定開埋個「讓客」賀伊巴復出。 而摩納哥擺明會繼續搶分，留意佢哋上場主場勝仗已經要數到3月中咁耐嘞，連續5戰未贏過，今次喺自己地頭迎戰圖盧茲係時間威番次！（周日48，無綫網絡電視302頻道周日11:00pm直播）
