維拉主場實而不「華」

維拉主場實而不「華」

如果阿士東維拉一早好似依家踢得咁好，就唔使狼狽到要護級啦，不過有心唔怕遲，佢哋今晚喺主場對住愛華頓，只要保持上幾仗嘅水準，唔難喺舒活帶領下有分落袋，足智彩開出平手盤，捧維拉食拖肥糖。（周六33，now624台周六10:00pm直播）
維拉近4戰獲2勝1和1負，包括喺足總盃4強淘汰利物浦，而早前力克熱刺1:0亦贏得精彩，雖然上周負曼城2:3，但力戰而敗都有交代啦，何況艾邦拉荷據報可以復出，如果真係有佢夥拍賓迪基，維拉前線唔怕入唔到波。愛華頓上周大勝曼聯都令人津津樂道，但問題係佢哋目前位列第10，高不成低不就冇道理搏命，唔排除會成人之美讓路俾護級隊，所以平手盤揀阿士東維拉真係坐走望贏。