維迪斯客場奏「海」歌

維迪斯客場奏「海」歌 

去到直路海牙都仲係排緊聯賽中游，照計唔會阻住維迪斯搵食，尤其係睇到佢哋喺呢一個月內對住阿積士同埋阿爾克馬爾都係輸波而回，睇嚟又係典型「欺善怕惡」嘅球隊，所以今晚對住維迪斯大可以追捧對家贏波，不過要小心佢哋始終有主場幫手，就算輸波都未必會大敗收場，最好都係簡簡單單吼實客勝就算嘞。（周五10，香港時間周六2:00am開賽）
至於早場荷乙方面，留意奈梅亨已經穩奪升班資格嘞，不過咁都唔代表今晚作客丹保殊會稍作留力；始終佢哋已經連贏15場，有邊個職、球員唔想將呢個長勝紀錄帶到季尾先？再睇埋射手艾斯、基斯甸山度士同埋中場林邦比大勇就知道「讓客」唔捧唔得。（周五4，香港時間周六0:00am開賽）