拜仁“波”濤洶湧

拜仁“波”濤洶湧

    歐冠盃八強明晨再度廝殺，其中德甲班霸拜仁慕尼黑主場迎戰葡超豪門波爾圖，由於首回合落後一比三，拜仁今場非要絕地反擊不可，但至少要淨勝兩球或以上，機會唔係冇，惜有多名主力因傷缺陣，戰鬥力明顯大大削弱，要炒起對手實在不易。

    至於揸住兩球在手嘅波爾圖，一定唔會同拜仁癲，必會施展三招必殺技，就係“防守、防守、防守”，最緊要能夠保住優勢殺入四強，拜仁要破解波爾圖密集式嘅防線，談何容易。初盤拜仁慕尼黑讓球半，博贏盤，必揀波爾圖。

    拜仁首回合輸一比三，呢個戰果並非意外，毫無疑問的確係受到傷兵困擾，少咗列比利、洛賓、舒雲斯迪加、馬天尼斯及阿拉巴等核心球員，威力至少減四成，就算今場有“小豬”復出，要起死回生贏幾球，唔係講咁容易。

    波爾圖在上仗葡超基本上收起全部主力，擺到明今場同拜仁決一死戰，由雷斯、恩迪及辛特路領軍嘅防線，勝在硬橋硬馬，中前場有卡斯米路與馬天尼斯，拜仁隨時再中招。

    推介：和波1:1