費倫天拿「納」入正軌

費倫天拿「納」入正軌

儘管費倫天拿近況麻麻，不過佢哋嘅實力始終有保證，加上數字上仍有望爭奪下屆歐聯席位，是役面對下游球隊維羅納絕對唔會手軟，搏紫百合輕鬆開「讓主」。（周一11，無綫網絡電視301頻道周二2:45am直播）
其實費倫天拿歇冬後6次喺主場踢意甲都保持不敗，最重要係穆罕默德沙拿、迪亞文迪同干沙路洛迪古斯等3名主力全部可以落場。維羅納近3場意甲不勝，上周更以0:3不敵國米，暫列聯賽第16位，但由於同尾3嘅切塞納都有雙位數字積分差距，故冇乜護級壓力，戰意成疑下難阻費倫贏波。