紐約城和局有「城」意

紐約城和局有「城」意

美職聽朝有場獨腳戲由紐約城主場迎戰費城聯。兩軍喺幾日前先碰過頭，當時費城聯主場贏咗2:1，並打開今季勝利之門，只係今次主客互調，聯賽3場不勝嘅紐約城亦唔見得有優勢，和局值博。（周四8，香港時間周五7:00am開賽）

睇一睇初盤，可以發現紐約城要讓平半，但呢隊波踢到依家都係得一勝，喺上月中主場贏新英倫革命，之後僅和急流同輸俾肯薩斯同費城聯，咁嘅表現真係唔值得捧場。不過咁，引言都講咗費城上場贏紐約城其實先係佢哋今季第一場勝仗，之前5場波僅得2和3負成績，勝出率同樣唔高，預期今場波喺兩隊各無把握下，形勢絕對係五五波，而大家相信亦唔想繼續輸落去，故各得1分會係理想戰果。