馬體會唔驚“皇”氣

馬體會唔驚“皇”氣

    不是冤家不聚頭，馬德里市兩支死敵馬德里體育會與皇家馬德里，今季在各項賽事已六次碰頭，明晨歐冠盃八強首回合又再冤家路窄。過去六場“埋牙”，馬體會佔據上風，取得四勝兩和不敗，上次更四球凌辱皇馬，成為對手超級剋星，球員心理上明顯佔優，今仗再度主場出擊，馬體會驚都未驚過。

    皇馬近三場聯賽取得連勝，士氣無疑得到提升，但餘下每場比賽都要踢得相當緊張，當然亦包括歐冠盃在內，所以上場對住伊巴都只係半力出戰，擺到明留力今晚同馬體會死過；不過破唔破到宿命，就要睇一班球星能否發揮出更佳水準。初盤開出平手盤，皇馬近八次對住馬體會不但未贏過，盤路更輸足八場，似乎真係“冇符”，不妨繼續捧馬體會坐和望贏。

    睇返兩隊上場對戰，馬體會的確贏在針對性部署，皇馬全場只得四射一中，將皇馬超強嘅攻力“化解”得相當成功，而馬體會十七射八中，搞到皇馬條防線兵荒馬亂，絕對係技術性擊倒對手，睇數據，馬體會的確值得捧場。

    推介：馬德里體育會2:1