辛斯華爾斬草除「根」

辛斯華爾斬草除「根」

季初波唔一定淨係吼實勁旅嘅，其實唔少升班馬好氣好力，絕對有能力喺季初爆個半冷搶分，好似今晚主場出擊嘅辛斯華爾上季雖然係喺瑞甲搵食，但係開季作客贏到阿維達貝治就絕對唔簡單嘞，季初有氣有力每個球員更加可以走多兩步，對住赫根話唔定會有意外驚喜，有得受讓可以諗吓讓主。（周一7，香港時間周二1:00am開賽）
至於哈馬比喺主場迎戰佐加頓斯，局勢就相當明顯！睇番季前舉行嘅瑞典盃，佐加頓斯可以話係冇乜表現，反而哈馬比假假哋都贏過AIK蘇納，開季後先贏赫根，上仗作客亦都和到艾夫斯堡，賽績冇花冇假，有埋主場撐腰唔捧主勝肯定走寶。（周一8，香港時間周二1:05am開賽）