撐水晶宮破舊立「新」

撐水晶宮破舊立「新」

努力尋求護級嘅新特蘭，今周會留守主場迎戰水晶宮。黑貓換上艾禾卡特領軍後，精神面貌的確好咗好多，上場更喺打吡戰贏到紐卡素；問題係，新特蘭球員質素真係「得咁多」，全隊除咗一個迪科爾，其餘域咸、史提芬費查都係質素平庸之輩，所以新特蘭近8場波都係入得兩球咁大把，盡顯攻力有幾咁疲弱。（周六27，now624台周六10:00pm直播）
相比之下，水晶宮就喺柏祖帶領下走上正軌，球隊啱啱更主場殺敗曼城殺上第11位；另外要提嘅係，水晶宮客場表現非常驚人，近7戰得6勝1負只輸俾修咸頓，證明客場唔會令佢哋失準，加埋陣容方面近排大勇嘅格連梅利、賓捷安以及韋費特沙夏等主力都可候命，平手盤信得過。