修咸頓「侯」住攞三分

修咸頓「侯」住攞三分

英超七弟修咸頓今周會喺主場迎戰侯城。修咸頓前七位置好穩陣，但如果想博大霧下季打歐聯呢晚就不容有失，好在佢哋重要傷兵來來去去都係兩大門將加雲戴維斯同費沙科士打，但阿根廷小將加沙寧加近戰踢落都唔係太差，加埋「聖人」後防其實齊人足夠保護加沙寧加，左計右計修咸頓今晚都大有機會全取3分。（周六26，now622台周六10:00pm直播）
侯城目前排尾4只領先昆士柏流浪2分，分分鐘下季要喺英冠見；而最慘嘅係，侯城近況真係冇乜支持點，近5場不勝，連對住史篤城、新特蘭同埋李斯特城呢三支護級份子都係僅得2分落袋，球隊今晚又有加斯頓拉美利斯、居迪斯戴維斯同安德魯羅拔臣缺陣，睇怕都要再輸一場。