蝙蝠軍打“包”

蝙蝠軍打“包”

    西甲明晨繼續開快車，兩支實力派球隊展開對戰。排第八位嘅畢爾包希望力爭上游，華倫西亞就要保住前四位置。雙方近三次碰頭不分勝負，可謂半斤八両，預料今戰亦殺得難分難解。初盤畢爾包要讓平手／半球，受讓嘅華倫西亞值得捧場。

    畢爾包自從在歐霸盃出局後，唯有專攻聯賽與西班牙盃，近五場聯賽狂取十二分，已經肯定上岸，無愁降班威脅，但要爭踢下季歐戰資格亦相當艱難。基本上聯賽已無憂無慮，餘下比賽只作例行賽事。相信球隊主打會係西班牙盃決賽，火併巴塞羅那。

    當然，落到場比賽又點會求輸，可惜球隊嘅爭勝能力不足，廿九場聯賽只攻入廿七球，攻擊力稍嚴不足，且防守能力亦有限，係前列球隊中失球最多一隊。今場對住實而不華嘅華倫西亞，的確勝算唔高。華倫西亞近期表現可圈可點，近八戰取得六勝兩和不敗，整體狀態相當不俗。由於目前前四位置爭得相當緊湊，“蝙蝠軍”絕對不能有所鬆懈，鬥心自然較強，今仗至少可力保不敗。

    推介：和波1:1