捧西悉尼下盤「島」亂

捧西悉尼下盤「島」亂 
 
亞冠盃H組賽事，衛冕冠軍西悉尼流浪者雖然要作客日本，但係佢哋絕對唔怕主場嘅鹿島鹿角，因為澳職踢到如火如荼，論比賽狀態點都秤先，足智彩開讓球主客和，捧西悉尼開「讓客」。（周三2，now670台周三6:00pm開賽）

日職未重開，鹿島鹿角只能靠友賽保狀態，佢哋今季繼續由教練施里蘇執教，新加盟嘅射手甸尼爾仲未同達維培養默契，其餘新球員好似德島漩渦前鋒高崎寬之、中場金崎夢生同埋廣島三箭後衛黃錫鎬亦需時融入球隊，加上中田浩二宣布退役，全新嘅鹿島鹿角可能仲要執下。
西悉尼流浪者早前喺澳職已打開勝利門，喺聯賽坐波監嘅後衛安東尼高歷可復出，中場卡斯迪倫同埋後衛拿洛卡亦已傷癒，陣中兩位日本球員高萩洋次郎同埋田中裕介將提供鹿島鹿角嘅情報，料西悉尼流浪者受讓下可開出「讓客」。