國民隊開大有「杜」理
明知自己防守唔掂，就梗係由頭攻到落尾啦，國民隊連場擺大個頭，今晚硬撼同級對手艾斯杜尼贏唔贏到都仲係未知之數，不過難免會「大」戰一場！（周一6，香港時間周二4:00am開賽） 主場出擊嘅國民隊已經連續13場波都有失球，換轉係其他球隊，場場都保持唔到清白之身一早就已經喺下游浮沉，不過佢哋就冇咁嘅問題，事關委內瑞拉前鋒馬里奧朗頓、魯卡斯祖奧，同埋中場馬高馬迪亞斯個個都識入波，實行以強勁嘅入波能力嚟到彌補防線經常漏水嘅問題。估計國民隊今晚喺主場難免會重施故技，對住艾斯杜尼唔使再估邊隊贏、邊隊輸咁辛苦，總之係一場「大」戰。
