利物浦上盤「斯」人醒

利物浦上盤「斯」人醒

正逐漸回復上季水準嘅利物浦，將會喺今晚迎戰韋斯咸。以紅軍近期表現，作客明顯表現冇咁好嘅韋斯咸相信都好難全身而退，初盤讓半、一抵玩。（周六12，now622台周六11:00pm直播）

利物浦雖然喺上場聯賽盃加時不敵車路士出局，但哋其實已經10場比賽喺90分鐘內保持不敗，而如果有睇紅軍比賽，可以發現球隊正漸漸適應352戰術，壓迫同快速突擊表現都同上季全盛時期相若，難怪會造出好成績。再講，利物浦今晚將有養傷多時嘅史杜歷治復出，就算呢位英格蘭國腳係正選定後備都好，起碼可令到羅渣士有更多選擇，而佢嘅把握力亦係現時紅軍陣內罕見，總結而言，史杜歷治復出對利物浦只會係有利無害。
費格然早排對韋斯咸讚不絕口，可惜領隊艾拿戴斯始終唔係頂級名帥，原以為佢喺有齊安祖卡路爾、迪亞法沙高同安拿華倫西亞下，會因應對手而安排唔同組合作攻擊，可惜原來無論對乜隊，佢都係用安祖卡路爾做正選，根本局限晒球隊發揮；再睇埋韋斯咸之前對阿仙奴同車路士都輸波，今晚出訪晏菲路相信凶多吉少。