雙斯之戰「細」在必行
兩隊有能力搞局嘅二線球隊喺今晚碰頭，可惜史雲斯有前鋒韋菲特邦尼準備轉會，而韋斯咸亦將前鋒莫路沙拉迪外借到昆流，雙方前面唔夠火力似係開「細」。（周六11，now623台周六11:00pm直播） 韋菲特邦尼離隊肯定會對史雲斯造成一定影響，而韋斯咸外借莫路沙拉迪到昆流就未必有咁大嘅影響力，問題係「槌仔幫」今晚連迪亞法沙高都冇埋，而中場高耶迪亦需要出戰非國盃，換言之呢兩隊波嘅中前場重心人物都所淨無幾，就算落到場互撼都未必會有火花，頂多咪「細」成水火。
