捧新特蘭下盤拆「紐」

捧新特蘭下盤拆「紐」

英超東北部打吡大戰，矚目程度爆燈，雖然紐卡素有主場之利，加上排名較高，不過呢排就鬧門將荒，要由17歲小將把關，撞正宿敵新特蘭絕對唔易踢，黑貓受讓平手、半球買下盤著「素」。（周日10，now621台周日9:30pm直播）

紐卡素打破咗車路士不敗身之後，表現無以為繼，慘敗俾阿仙奴1:4，再喺聯賽盃吞熱刺4蛋出局，搞到咁狼狽只因為鬧緊門將荒，球隊第一、第二同埋第三號龍門全部傷晒，包括告魯爾、洛艾利洛同埋安恩域，雖然紐卡素已經啟用緊急應變條例，想向足總申請批准借用門將，不過遠水不能救近火，今晚都要用17歲青年軍活文，而即使埋第三號門將安恩域趕及披甲，以佢近兩戰怒失8球嘅表現，都好難令人有信心，加上賴恩泰萊、大衛辛頓、奧巴坦、路蘭度艾朗斯同埋施安迪莊繼續養傷，排陣捉襟見肘。
新特蘭近7場英超僅嘗一勝，不過亦只係輸過一場，和波比例好多，但好在傷兵情況冇惡化，僅得雲安荷特、比利鍾斯同埋基亞卓尼利繼續倦勤，領隊普耶嘅兵源調動肯定較紐卡素嘅柏祖輕鬆。對賽往績方面，咪以為打吡戰一定係主隊威晒，事實係新特蘭已經連續兩屆喺聖占士公園球場贏波，無偶有偶都係大勝3:0，加上近5次交手未嘗一敗，格食格味道相當濃，所以喜鵲讓平手、半球靠唔住，捧黑貓下盤穩陣。