摩納哥平手盤「茲」持

摩納哥平手盤「茲」持

話晒嚟緊呢個周中摩納哥就要踢歐聯生死戰，估計今晚作客圖盧茲點都會稍作留力，不過賠率竟然冇一面倒睇好主隊，讓球只係開平手盤一於撐摩納哥不敗走人。（周五8，無綫網絡電視302頻道周六3:45am直播）
周中摩納哥就會喺主場面對辛尼特爭歐聯出線權，喺大戰當前隨時會放棄今場法甲，不過睇番佢哋目前嘅賠率就唔好咁肯定呢種諗法。其實睇番摩納哥上場贏到朗斯就搵到唔少轉勢跡象，一嚟佢哋一早就踢少個，幾乎大部份時間都要「10打11」，咁都贏到認真唔簡單；而喺呢一場波入面亦睇到貝碧托夫等人異常賣力，唔似得好似以前咁行行企企，話唔定係想喺轉會窗重開之前表現一吓自己方便季中跳船！再睇埋主隊圖盧茲喺近3戰只係贏得1場，肯定唔會構成好大威脅，平手盤撐摩納哥不敗完全唔過份。