禾堡上盤「遜」心十足

禾堡上盤「遜」心十足
 
德甲二三哥禾夫斯堡同埋慕遜加柏會喺今晚碰頭。兩隊咁啱近績同樣麻麻，結合禾堡有主場之力而體力上亦有些微優勢，總結而言值得睇高一線，讓球盤讓到半、一可放心捧場。（周日22，有線61、64、201及203台周日10:30pm直播）

禾堡上周聯賽輸俾史浩克2:3，結束6連敗佳績，加埋過去周中歐霸0:2輸俾愛華頓，兩連敗賽績俾人演出下滑感覺；好在球隊周中場波都喺主場打，免咗舟車勞頓下對體力該有幫助，再講禾堡之前主場9戰7勝2和表現好好，踢番水準仍可捧場。

慕遜加柏聯賽連敗

陣容方面，禾堡有馬素舒希化、奧查斯同菲臘比盧比斯3名長期傷兵缺陣，但奧歷、賓特拿同肯特等攻擊主力就全數可落場，禾堡火力肯定唔會下降，有利爭取迅即反底。
慕遜加柏近3場正式比賽不勝，聯賽更連負多蒙特同法蘭克福，另球隊歐霸係作客西班牙，體力問題比禾堡輸蝕，加埋達侯特、基拉馬、史蘭斯同格列沙加等中後場主力因受傷或停賽缺陣，點睇慕遜加柏今周都冇優勢，連續第3季作客輸俾禾堡兼聯賽3連敗機會甚高。