越南讓主金科玉「律」

越南讓主金科玉「律」

東南亞錦標賽A組賽事，東道主越南其實攞多1分就宣布出線，但由於對手菲律賓已經篤定晉級，是役打風流波相信會讓路，故此可大膽買越南大捷報答主場球迷，3倍「讓主」要落重「菲」。（周五2，now670台周五8:00pm直播）
越南首戰喺兩度領先下都俾印尼追成2:2，好在次輪發揮應有水準，以3:0大勝老撾，佢哋暫時以2戰得4分排小組第2，由於印尼只係2戰得1分，所以越南是役和波攞1分都夠出線，不過對手菲律賓2戰全勝得6分提早晉級，今仗肯定無心戀戰，派半隊副選同埋後生仔落場並唔出奇，越南當然要把握機會攞分兼攞威，答謝主場球迷支持，「讓主」要跟進。