意大利和局有見「地」

意大利和局有見「地」
 
呢一輪歐國盃外圍賽最五五波肯定係意大利對克羅地亞賽事；意軍上輪因干地關係徵召派路出山，而球隊亦非常順利咁3戰全勝，不過派路是役因傷缺陣，對意國攻力肯定有影響，要留意克羅地亞亦一樣有9分喺手，呢場如各得1分對雙方都有百利而無一害，和局肯定為今場首選。（周日20，有線61、201台周一3:45am直播）

歐國分組賽每組有兩個直接出線名額，所以各強隊都冇實際必要搶奪首名資格，但意大利經歷過令人失望嘅世盃，喺今次外圍賽都算正氣小組連贏3場，餘下賽事已相對輕鬆；克羅地亞一樣有9分，今戰作客會較保守，睇埋同組第3位只係挪威，對意克冇出線威脅，呢場各攞1分夠數。