哈化入球細「威」到盡

哈化入球細「威」到盡 
 
德甲今晚獨腳戲戲碼，係由哈化柏林喺主場對漢諾威。哈化主場無疑特佳，但對面漢諾威級數高兼近況一流，作客未必完全蝕底下，不如趁佢哋擅打守勢波，轉攻1.82倍入球細可能仲有着數。（周五22，有線61及201台周六3:30am直播）

哈化主場連贏禾夫斯堡、史特加同漢堡，過去一輪聯賽作客卻輸俾柏達邦，證明級數一般僅勝在主場特佳；值得注意一點，係球隊近6場正式比賽有三次係食白果收場，沙洛文卡勞、朗尼希巴臣等前線球員出名飄忽，唔捧讓波盤轉捧入球細真係有啲計。
漢諾威排名遠喺哈化之上，球隊客場雖近5戰1勝4敗，但所贏對手係多蒙特，實在唔可以太過睇少；好在睇績，漢諾威明顯係支防守形球隊，近3場全開細，近6輪僅入兩球而近3周有兩次保持清白之身，初盤入球細有1.82倍唔好錯過。