辛尼特上盤「遜」得過
俄羅斯球隊有主場之利，自然代表今晚有早場比賽上演，辛尼特近況又見好轉，配合冰天雪地主場迎戰作客唔掂嘅利華，讓平半合理。（周二1，有線61、64、201及203台周三1:00am直播）
捧辛尼特除咗佢哋人強馬勇，近況亦肯定唔使懷疑，事關球隊啱啱先作客憑查維加西亞一箭定江山贏咗莫斯科中央陸軍，喺聯賽一枝獨秀領放，冇壓下今晚又有冰天雪地主場之利，要攞3分唔難，讓球盤讓平手、半球，上盤「遜」得過。
客軍利華古遜啱啱作客輸咗俾漢堡，客場唔經唔覺已經6場正式比賽不勝，當中有4場係食白果，表現咁差，仲要作客俄羅斯梗係難踢；再者，利華今晚亦唔可以強陣出擊，因巴西後衛雲達爾拿斯文圖上輪領紅，今晚停賽，益晒辛尼特爭取「士哥」啦。 | 
