阿仙奴「尼」料開主主

阿仙奴「尼」料開主主
 
今晚英超最易買易中比賽肯定係阿仙奴對般尼。兩軍計級數差天共地，而「兵工廠」周中有歐聯後顧，今晚肯定想盡早奠勝，諗落「主主」好穩陣。（周六32，now622台周六11:00pm直播）

阿仙奴仍受傷兵困擾但問題已舒緩，後面用上哥林張伯斯拍梅迪薩卡尚算穩陣，而前線雲格亦有好多人可以揀，艾朗藍斯、阿歷士張伯倫、辛迪卡索拉、阿歷斯山齊士同韋碧克若一齊落場，破壞力可以

相當驚人，有埋主場之利3分好穩陣；值得一提，阿仙奴周中仲有場對安德列治歐聯比賽，雲格肯定想盡早搞掂俾主力休息，所以若買波計捧「主主」分分鐘穩陣過「讓主」。
客軍般尼今季最適合形容詞係「魚腩」，踢到依家都未贏過，近兩周對韋斯咸同愛華頓都輸1:3收場，後防表現同業餘冇乜分別，球隊今周更有禾基斯同馬菲泰萊唔打得，作客都好難偷雞。