薩斯索羅主勝「安」全

薩斯索羅主勝「安」全

意甲今晚上演下游大戰，講真呢場波如果唔係變番「意假」其實都幾易買，事關主隊薩斯索羅賽績好到爆，前一周主場1:1迫和祖雲達斯打破對方連勝紀錄，到幾日前作客帕爾馬就仲威，憑費路卡利、法蘭斯高阿沙比入波早早就半場領先2:0，換邊後施列迪泰達整多粒最後贏3:1完場，近況咁好只要唔玩嘢，今晚冇可能唔贏。（周二20，足智彩周三3:45am網上文字直播）
客軍安玻里又點呢，近8周聯賽佢哋只贏過巴勒莫，最緊要係幾日前作客卡利亞里，上半場就失4粒最後都係輸0:4完場，攻守表現都唔合格；值得一提，兩隊波之前其實都係意乙常客，但安玻里近4季造訪薩斯索羅根本全無優勢可言，賽績係1和3負，今晚應該都好難破到數據嘞。