不來梅「真」心開讓客

不來梅「真」心開讓客

德國盃第2圈賽事，雲達不來梅雖然喺德甲仲未開齋，但以佢哋嘅基本實力，要作客淘汰丙組仔真尼沙晉級唔算太難，何況不來梅已經改由史卡柏尼克領軍，新官上任梗要開個「讓客」響頭炮。（周二2，無綫翡翠台周三2:00am直播）

真尼沙呢支丙組仔已經兩場不勝，包括0:0和基爾，同埋0:2不敵艾福特，換言之同時經歷緊180分鐘入球荒，所以今晚德國盃雖然有主場之利，但都唔見得有能力爆冷。雲達不來梅喺德甲仲未開齋，上仗不敵科隆0:1之後，高層狠下心腸炒咗教練杜特，改聘曾效力球會8年嘅前烏克蘭國腳史卡柏尼克領軍，回顧番之前漢堡換教練都有一陣虛火，相信以雲達不來梅嘅班底一樣做得到，而史卡柏尼克初試啼聲以一隊丙組仔做對手，唔開「讓客」點對得住球迷，初盤有成4.1倍值博。
另一場德國盃第2圈賽事，由兩支乙組球會凱沙羅頓同埋格雷特霍夫較量，大家咁高咁大，用往績衡量勝負最好，兩軍交手通常旺主場嗰隊，所以凱沙羅頓今仗開「讓主」淘汰格雷特霍夫最好路。（周二18，香港時間周三3:30am直播）