葡萄牙主勝唔「蘭」開

葡萄牙主勝唔「蘭」開

今晚除咗啲大國腳，仲有歐國盃U21賽事，當中葡萄牙同荷蘭兩支傳統勁旅相遇附加賽，首回合荷蘭竟主場兩球不敵葡萄牙，而且佢哋已經精銳盡出，睇怕今次作客都凶多吉少，主勝穩開。（周二7，有線155台周三12:00am直播）
荷蘭為咗推呢支U21打明夏歐國決賽周，竟將部分一隊成員拉番落嚟，當中奧拉約翰、阿當馬希、積祖威廉斯全部為一隊上陣多次，但坐擁如斯陣容，首回合竟然主場以兩球不敵葡萄牙；再睇首回合數據，葡萄牙全場22射14中，對比荷蘭6射4中，似乎呢支葡萄牙由前國腳雷佐治帶領嘅葡軍，實力真係高一個層次，所以唔好以為呢場係五五波，荷蘭求勝心切隨時輸得更慘。