英軍難服“士”

英軍難服“士”

今晚繼續有歐國盃外圍賽上演，大家都有情意結嘅英格蘭將要作客瑞士，冇咗“雙特”嘅三獅兵團上仗友賽挪威發揮一般，毫無勁旅本色，明晨作客瑞士，實在欠缺贏波信心。

瑞士在世界盃決賽周殺入十六強，表現令人眼前一亮，比英格蘭出色得多，陣中多名球星極具質素。今仗借助天時地利人和，有力與英格蘭一拼。初盤開出平手，不妨敲瑞士可殺退英軍。

有“瑞士美斯”之稱嘅沙基利在決賽周表現相當搶眼，極具球星風範，仲有恩拿、比拿美、迪米斯及九○後新星薩卡等都屬技術不俗球員。加上前教練希斯菲特將德國細膩踢法融入球隊，今時今日嘅瑞士絕對不能睇低。

英軍在謝拉特與林柏特退役後，中場組織力明顯減弱，且欠缺節奏感，對挪威一戰只得兩次中目標。“孭飛”球星朗尼除射入十二碼外，表現一無是處。目前嘅英軍實在欠缺領軍人物，如果繼續踢出對挪威嘅水準，唔好話要贏瑞士，輸埋亦唔出奇。

推介：瑞士1:0