德國開大“蘇”

德國開大“蘇”

一六年歐洲國家盃外圍賽明晨正式展開，剛奪得世界盃冠軍嘅德國首場遇上蘇格蘭，計任何一方面，德軍都係佔盡優勢。如果攞唔到呢三分，世界冠軍就係浪得虛名，何況早兩日仲大敗阿根廷腳下，為要挽回面子，今場波一於搵對手“祭旗”。

蘇格蘭嘅足球水平一向都唔上唔落，拍住歐洲勁旅始終差兩班，而國家隊對上一次踢比賽已經係三個月前，球員默契配合更比唔上德國，今仗作客要攞一分都難。初盤德國硬讓兩球，一於捧德國贏波又贏盤。

德軍上仗友賽阿根廷有唔少主力缺陣，尤其條後防線，除賀維迪斯外，其餘三個位置都係後備頂上，結果被強大鋒力嘅阿根廷打到陣腳大亂。不過今仗有保定等復出，對住攻力一般嘅蘇格蘭，應該無後顧之憂，只係睇前線數糊能力，有湯馬士梅拿、奧斯爾及高美斯等攻擊手，要贏兩球或以上唔難。

蘇格蘭防線應付高空突襲還可以，但對住德軍嘅地面攻勢，睇怕難以招架，只望輸少當贏。

推介：德國3：0